பாராளுமன்ற தேர்தலில் அருப்புக்கோட்டை தொகுதியில் 14 ஆயிரம் ஓட்டுகள் கூடுதலாக பெற்றுள்ளோம், என அ.தி.மு.க., பொதுச்செயலாளர் எடப்பாடி பழனிச்சாமி கூறினார்.
அருப்புக்கோட்டை ஆத்திப்பட்டியில் அ.தி.மு.க., தெற்கு ஒன்றிய செயலாளர் யோக வாசுதேவன், ராஜேஸ்வரி இல்ல திருமண வரவேற்பு விழாவில் மணமக்கள் அஜய் வாசுதேவன், காவியா ஆகியோரை வாழ்த்தி முன்னாள் முதல்வர் எடப்பாடி பழனிச்சாமி பேசியதாவது :-அருப்புக்கோட்டை புரட்சித்தலைவர் எம்.ஜிஆர் நின்று வெற்றி பெற்று தமிழகத்தின் முதல்வராக ஆன தொகுதி. லோக்சபா தேர்தலில் எடப்பாடி சட்டசபை தொகுதியில் 46 ஆயிரம் ஓட்டுகள் கூடுதலாக பெற்றுள்ளோம். அதற்கடுத்த படியாக அருப்புக்கோட்டை சட்டசபை தொகுதியில் 14 ஆயிரம் ஓட்டுகள் கூடுதலாக பெற்றுள்ளோம். என பேசினார்.
இவ்விழாவில் முன்னாள் அமைச்சர்கள் திண்டுக்கல் சீனிவாசன், கடம்பூர் ராஜூ, வைத்தியலிங்கம், பாண்டியராஜன், மற்றும் கட்சி நிர்வாகிகள் ஏராளமானோர் பங்கேற்றனர்.
